BEL ENG DEU FRA



Мінск-аг. Ленін-Ляскавічы-Петрыкаў - па шляху 29-й духоўна-асветніцкай экспедыцыі «Дарога да святыняў» у праграме «Святло душы»

 
 
  
9 МАРТА 2023 (Четверг) 15:05:58
Кожны год, напярэдадні Дня беларускага пісьменства, эскпедыцыя нясе ў гарады і паселішчы Айчыны Лампаду з Дабратворным Іерусалімскім Агнем, і яшчэ адну святыню экспедыцыі - Загор’е-Сталовіцкую ікону Божай Маці. Святы Агонь перадаецца ўдзельнікам экспедыцыі пасля малебну ў мінскім Свята-Духавым кафедральным саборы.

Благаслаўляе ў дарогу мітрапаліт Мінскi і Заслаўскi Венiямін, Патрыяршы Экзарх ўсяе Беларусі.

У складзе экспедыцыі навукоўцы, святары, пісьменнікі, педагогі, журналісты. Акрамя храмаў, Святы Агонь яны прыносяць у школы, бібліятэкі, сацыяльныя прытулкі, навучальныя ўстановы, асвячаюць воінскія мемарыялы, дзе адбываюцца сустрэчы, гучыць духоўнае слова.

Першы прыпынак місіянераў на ўскраіне аграгарадка Ленін Жыткавіцкага раёна. "Хлебам-соллю" і песняй сустракаюць кабеты тутэйшага фальклорнага гурта.

Як ветэран экспедыцыі, каравай прымае член-карэспандэнт Нацыянальнай акадэміі навук, доктар філалагічных навук, прафесар Сцяпан Сцяпанавіч Лаўшук.

Назва паселіча-Ленін не мае дачынання да прозвішча правадыра пралетарыяту. Яно ўзнікла яшчэ ў канцы 16 стагоддзя пры яго фундатарах з праваслаўнага роду князеў Алелькавічаў.

У часы Вялікай Айчыннай вайны Ленін быў спалены нямецка-фашыстскімi захопнікамi. Тут загінула некалькі тысяч яго жыхароў і палонных салдат. Таму ля жалобнага мемарыялу адбыўся мітынг. Прыемна ўбачыць сярод старэйшых жыхароў - моладзь.

Хрэсным ходам па вуліцах, разам з жыхарамі, крочым да нядаўна адноўленай царквы Раства Прасвятой Багародзіцы, дзе захавальнік Святога Агню святар Аляксандр Пачопка перадае яго на свечкі прыхаджан.

Пра гісторыю святыні расказвае настаяцель айцец Дзмітрый Гулюта.

Нас сустракаюць у Ляскавічах.

Назву Ляскавічам дала тутэйшы рачулка Ляска. Кажуць, калі пракопвалі месцічы ручаіну, быстрая вадзіца "заляскага", загрукатала і пабегла да Прыпяці.

Ляскавічы - цэнтральная сядзіба Нацыянальнага парку "Прыпяцкі", багатага запаведнымі лясамі, поймай Прыпяці. Рака па вясне разліваецца да 30 кіламетраў і дае прытулак птушкам, што вяртаюцца з выраю. Пра багацці "Палесскай Амазоніі" сведчыць Музей прыроды, а фальклорнымі традыцыямі славіцца фестываль "Покліч Палесся".

Ляскавічы - утульны, сучасны аграгарадок, у цэнтры якога прыгажуня Свята- Міхайлаўская царква.

Нас чакаў яе настаяцель ігумен Аляксей Карніцкі.

У храме пабачылі ікону "Чарнобыльскі Спас". Яна некалькі разоў прыснілася ліквідатару чарнобыльскай аварыі Юрыю Андрэеву, які атрымаў вялікую дозу выпраменьвання і паміраў у шпіталі. Ен апісаў, што бачыў у сне святару і хутка стаў папраўляцца. Па яго расказу абраз "Чарнобыльскага Спаса" стварыў іканапісец Уладзіслаў Гарэцкі. На ім разам з Іісусам Хрыстом Багародзіца і Архістраціг Міхаіл. Унізе ліквідатары аварыі і ў белым адзенні людзі, загінуўшыя ад радыяцыі. У цэнтры іконы зорка Палын, пра якую сведчыў Іаан Багаслоў у Апакаліпсісе. Маланкай яна падае над знакамітай "крыжовай" сасной, што расце паблізу ад чарнобыльскай станцыі. Ікону можна ўбачыць у храмах Беларусі, Расіі, Украіны.

У святыні гучыць малітва за мір. Гутарым з айцом Аляксеем Карніцкім.

Далей шлях экспедыцыі да Петрыкава.

За вокнамі светлыя палесскія бары грыбныя, ягадныя.

У 1987 годзе за кнігу "Слышу небо и землю" паэт Ігар Шклярэўскі атрымаў Дзяржаўную прэмію, якую скарыстаў на закладку парку. Бярозы, сосны, таполі садзілі дарослыя і дзеці, і сення "Парк Шлярэўскага" ўпрыгожвае шлях да Петрыкава.

Ля вескі Наваселкі - "Сядзіба дзеда Талаша"- знакамітага палескага партызана і яго месцічаў - герояў аповесці Якуба Коласа "Дрыгва". Скульптуры з дрэва зрабіў майстар Іван Перарэшка. Ен жа аднавіў іканастас Увазнясенскай царквы ў Петрыкаве, якая сустракала нас званамі.

Пачынаецца хрэсны ход з Дабратворным Агнем па вуліцах Петрыкава, і вось ужо чутны званы Мікалаеўскай царквы.

Пасля размовы настаяцель Мікалаеўскай царквы айцец Васіль Лемеш благаслаўляе на сустрэчу з прыхажанамі.

Эфір "Святло душы" 11 сакавіка ў 7.30 на Першым нацыянальным канале Беларускага радые.

Паўтор 12 сакавіка ў 17.30 на канале "Культура"./ sobor.by/

(просмотров 2127)





Новости разделов:

СМИ о Церкви

12 АПРЕЛЯ 2024
30-я духоўна-асветніцкая экспедыцыя “Дарога да святынь” - у праграме "Святло душы" (аудио)
19 МАРТА 2024
Программа "Свет души" расскажет о выставке «Белорусская скульптура XVII–XVIII веков»
29 ФЕВРАЛЯ 2024
Программа «Свет души» о принесении в Беларусь частицы Пояса Пресвятой Богородицы
22 ФЕВРАЛЯ 2024
О славной истории Полоцкого кадетского училища - в программе «Свет души»
5 ФЕВРАЛЯ 2024
Слушайте выпуск программы «Свет души» о блаженной Валентине Минской
9 ДЕКАБРЯ 2023
О схиигуменье Фамарь (Марджановой) слушайте в программе «Свет души»
28 НОЯБРЯ 2023
Программа "Свет души" расскажет об опыте работы педагогов Величковичской средней школы Солигорского района
31 ОКТЯБРЯ 2023
О часовне-усыпальнице Римских-Корсаковых в селе Мыщено расскажет программа «Свет души»
10 ОКТЯБРЯ 2023
О духовном пути насельника Жировичского монастыря схиархимандрите Митрофане (Ильине) расскажет программа «Свет души»
26 ИЮЛЯ 2023
О протоиерее Евфстафии Недельском расскажет программа «Свет души»
2 ИЮЛЯ 2023
О проекте «Воины духа» расскажет программа «Свет души»
5 ИЮНЯ 2023
К дню памяти преподобной Евфросинии Полоцкой: неизвестные факты о покровительнице Беларуси
Новости (видео)
Архив видеоновостей :

Rambler's Top100 Рейтинг@Mail.ru


© www.sobor.by 2004-2016.