BEL ENG DEU FRA



Праграма "Святло душы" - пра дзейнасць першага беларускага брацтва ў гонар трох Віленскіх мучанікаў

 

Слушать аудио 1
Слушать аудио 2

 
  
05 ИЮНЯ 2017 (Понедельник) 12:17:59
Чвэрць стагоддзя прайшло з той пары, калі невялікая групоўка міран, якіх з'яднала справа адраджэння мінскага Свята-Петра-Паўлаўскага сабора, вырашыла сваімі здольнасцямі і прафесійнымі навыкамі паслужыць Царкве і Бацькаўшчыне.

Адраджаліся не толькі саборныя муры, іх павінна было змацаваць жыццё духоўнае. Так, на ўстаноўчым сходзе 27 красавіка 1992 года было створана брацтва ў гонар Віленскіх мучанікаў Антонія, Іаана і Яўстафія. Тым самым адрадзілася даўняя традыцыя беларускіх брацтваў, якія будавалі храмы, займаліся духоўнай асветай, абаранялі бацькоўскую веру ў часы выпрабаванняў.

Сярод ініцыятараў справы былі літаратары Алег Бембель і Ніна Загорская, філосафы Уладзімір Конан і Мікола Матрунчык, фізікі Міхась Арэшкаў і Георгій Гаховіч. Іх з'яднала разуменне, што без веры і малітвы немагчыма сапраўднае нацыянальнае адраджэнне. З таго часу яны сталі рупліўцамі беларускай духоўнай нівы, прыцягваючы да сваіх спраў інтэлігенцыю і моладзь, шануючы імёны айчынных лідэраў духу, іх набыткі.

Братчыкі пачалі збірацца кожны тыдзень пасля нядзельных богаслужэнняў, праводзілі гутаркі, разважалі пра духоўнае жыццё, развучвалі народныя набожныя песні. Так нарадзіўся брацкі хор, які стаў удзельнічаць у богаслужэннях. З цягам часу і па сённяші дзень з яго ўдзелам у Петра-Паўлаўскім саборы Мінска кожную суботу праходзіць богаслуженне на беларускай мове.

Напачатку братчыкі вырашілі ўмацаваць сувязі са сваімі святымі ахоўнікамі - першымі мучанікамі зямлі беларускай: Антоніям, Іаанам і Яўстафіям, якія пацярпелі за веру ў 1347 годзе пры літоўскім князе Альгердзе. З іконай мучанікаў братчыкі выправіліся ў віленскі Свята-Духаў манастыр, дзе знаходзіліся іх мошчы...

Традыцыя першага крэснага ходу з іконай Віленскіх мучанікаў, у якой былі ўкладзены часцінкі іх мошчаў, мела працяг. У 2009, а потым у 2014 гадах здзяйсняліся крэсныя хады з іконай па заходнім і паўночным регіёнам Беларусі, дзе асабліва ўшаноўваюцца гэтыя святыя і ёсць храмы ў іх гонар.

Яшчэ адна гістарычная падзея, у святкаванні якой братчыкі з'ядналі навукоўцаў, духоўных асоб , журналістаў Беларусі, Польшчы, Украіны - святкаванне 400-годдзя князя Канстанціна, у святым хрышчэнні Васіля Астрожскага.

Штогод выдавецкі аддзел брацтва друкуе “Беларускі праваслаўны каляндар” на роднай мове. Ён мае тэматычны дадатак, які раскрывае багацце духоўнай спадчыны беларусаў, змяшчаюцца матэрыялы пра святых і святыні нашай зямлі.

Вялікае асветніцкае і культурнае значэнне мае пераклад на беларускую мову тэкстаў Свяшчэннага Пісання, які ажыццяўляецца Біблейскай камісіяй пры актыўным удзеле брацтва.

Брацтва стала ініцыятарам ушанавання памяці айчынных царкоўных дзеячаў і асветнікаў. Добрым напамінам пра багаслова і пісьменніка 19 стагоддзя протаіерэя Плакіда Янкоўскага стала выданне яго кнігі “Записки сельского священника”. Памяць педагога і перакладчыка Сяргея Паўловіча ўшанована аднаўленнем яго помніка на могілках у Вільні. Па ініцыятыве брацтва шырока адзначалася 100-годдзе протапрасвітара Віталя Баравога - пастыра і дыпламата, прапаведніка і педагога, з якім звязана адраджэнне Мінскай духоўнай семінарыі ў пасляваенныя гады. Там, у Жыровічах, прайшла навуковая канферэнцыя, прысвечаная яго дзейнасці, а на радзіме, у Параф'янаве, ля пабудаванай царквы адкрыта памятная дошка.

Дзейнасць братчыкаў звязана з узнікненнем Міжканфесійнай місіі “Хрысціянскае сацыяльнае служэнне”. У 2012 годзе Міжканфесійная місія “Хрысціянскае сацыяльнае служэнне” паклала пачатак праекту "Живая вода” па добраўпарадкаванню крыніц у Віцебскай і Магілёўскай абласцях, што былі пад патранатам царкоўных абшчын. У тым жа годзе падводзіліся вынікі праекта па прафілактыцы наркаманіі і праблемах людзей, якія жывуць з ВІД.

Скіраванасць новых задум, звязаных з вёскай, паклала пачатак мастацкаму праекту братчыкаў. Летась у Івянцы прайшоў пленэр “Святасць зямлі беларускай”, прысвечаны 900- годдзю свяціцеля Міны, епіскапа Полацкага.

Гэтыя, а таксама іншым значныя здзяйсненні ў праграме “Святло душы” ўзгадвае старшыня савета брацтва Мікола Матрунчык.

Слухайце праграму 3 чэрвеня ў 7.30 на Першым нацыянальным канале Беларускага радыё. Паўтор у той жа дзень у 8.30 і 21.30 на канале “Культура”./ sobor.by/

(просмотров 3431)





Новости разделов:

СМИ о Церкви

15 МАРТА 2024
Программа "Свет души" расскажет о выставке «Белорусская скульптура XVII–XVIII веков»
12 МАРТА 2024
Программа Белорусского телевидения "Сила веры" рассказала о премии "За духовное возрождение". В числе первых, награждённых премией - настоятель прихода храма иконы Божией Матери «Всех скорбящих Радость» протоиерей Игорь Коростелёв
29 ФЕВРАЛЯ 2024
Программа «Свет души» о принесении в Беларусь частицы Пояса Пресвятой Богородицы
22 ФЕВРАЛЯ 2024
О славной истории Полоцкого кадетского училища - в программе «Свет души»
5 ФЕВРАЛЯ 2024
Слушайте выпуск программы «Свет души» о блаженной Валентине Минской
9 ДЕКАБРЯ 2023
О схиигуменье Фамарь (Марджановой) слушайте в программе «Свет души»
28 НОЯБРЯ 2023
Программа "Свет души" расскажет об опыте работы педагогов Величковичской средней школы Солигорского района
31 ОКТЯБРЯ 2023
О часовне-усыпальнице Римских-Корсаковых в селе Мыщено расскажет программа «Свет души»
10 ОКТЯБРЯ 2023
О духовном пути насельника Жировичского монастыря схиархимандрите Митрофане (Ильине) расскажет программа «Свет души»
26 ИЮЛЯ 2023
О протоиерее Евфстафии Недельском расскажет программа «Свет души»
2 ИЮЛЯ 2023
О проекте «Воины духа» расскажет программа «Свет души»
5 ИЮНЯ 2023
К дню памяти преподобной Евфросинии Полоцкой: неизвестные факты о покровительнице Беларуси
Новости (аудио)
Архив аудионовостей :