ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕПра дакументы і музейны лес архіву слуцкага Свята-Траецкага манастыра слухайце ў праграме “Святло душы”
| 29 ИЮНЯ 2017 (Суббота) 15:14:30 Старадаўняй святыняй Случчыны з'яўляецца Свята - Траецкі манастыр, першы напамін пра які вядомы з 1445 года. Яго называюць яшчэ Трайчанскім па прадмесці Слуцка Трайчанах, дзе быў пабудаваны. З сярэдзіны 17 стагоддзя яго архімандрыты празначаліся намеснікамі Кіеўскага праваслаўнага мітрапаліта на значнай частцы Вялікага Княства Літоўскага. З 1793 па 1840 гады пры манастыры дзейнічала духоўная семінарыя. Адсюль вядзе пачатак Мінская епархія.Галоўнай манастырскай святыняй быў каменны Траецкі сабор, адбудаваны ў 1505 годзе княгіняй Анастасіяй Алелькавіч у гонар паспяховай абароны горада ад татар. У ім зберагаліся каштоўныя рэліквіі: ікона Божай Маці візантыйскага пісьма, старадрукі і Евангелле 1582 года, напісанае князем Юрыям Алелькавічам. Тут доўгі час захоўваліся мошчы дзіцяткі Гаўрыіла Беластокскага, што пасля пажару царквы ў Заблудаве ў 1755 годзе былі перанесены ў Слуцк. Яшчэ адной каштоўнасцю манастыра быў яго архіў, і цікавасць да яго лесу абудзіла выстава, што пазнаеміла з некаторымі каштоўнымі дакументамі. Яна адбылася ў Нацыянальным гістарычным музеі і праводзілася сумесна з Нацыянальным гістарычным архівам Беларусі. Паміж двума ўстановамі падпісана пагадненне па вывучэнні і стварэнні лічбавай копіі ўнікальнага збору, што зробіць яго даступным навукоўцам і аматарам айчыннай гісторыі. Безумоўна цікавіла: ці есць ў Трайчанскім архіве дакументы, падпісаныя святой княгіняй Сафіяй Слуцкай? Так, гэта “утверждение поданья” царквы ў весцы Манастыршчына святару Дзмітрыю Захарэўскаму. Ен меў права служыць ў ей да канца жыцця, а пасля, калі адзін з яго сыноў будзе “дастойным святарскага сану”, наследуе месца бацькі. Прычым заўважана, што Захарэўскі, як праваслаўны, мае абавязак “пребывать в послушенстве патриарха Константинопольского”, што падкрэслівае як рупліва ставілася наша святая да падтрымкі Праваслаўя. Дакумент падпісаны Сафіяй Юр'еўнай Алекавіч княгіняй Слуцкай і яе мужам Янушам Радзівілам. Гэта копія дакумента па-польску, перакладзеная на рускую мову Андрэем Сніткам, які на пачатку 20 стагоддзя займаўся апісаннем архіву. Пра значнасць і лес архіва пойдзе гаворка з куратарам выставы, вядучым навуковым супрацоўнікам навукова- фондавага аддзела Нацыянальнага гістарычнага музея Рэспублікі Беларусь Наталляй Мартынавай. Слухайце праграму “Святло душы” 1 ліпеня ў 7.30 на Першым нацыянальным канале Беларускага радыё./ sobor.by/ (просмотров 2045) |
Новости разделов:
