23 снежня ў бібліятэцы НАН Беларусі - лекцыя “Традиции Рождества”, а 27 снежня - майстар-клас “Святочная эка-майстэрня”
22 ДЕКАБРЯ 2016 (Четверг) 11:28:35 23 і 27 снежня 2016 года Цэнтральная навуковая бібліятэка імя Якуба Коласа НАН Беларусі запрашае ўсіх акунуцца ў атмасферу перадкалядных дзён і прапануе цыкл святочных мерапрыемстваў “Учора звячора засвяціла зора”.23 снежня: 16.00 – бібліятэка запрашае на адкрыццё ў холле 1 паверха выставы выданняў з фондаў аддзела рэдкіх кніг і рукапісаў “Учора звячора засвяціла зора”. На выстаўцы будуць прадстаўлены: падборка хрысціянскіх календароў 18–20 стагоддзяў, перадкалядныя нумары беларускіх газет і часопісаў першай паловы ХХ стагоддзя з віншаваннямі і святочнымі творамі, унікальная газета–"аднаднёўка" 1926 года "Калядны звон", Бібліі розных краін свету. Таксама наведнікі змогуць пабачыць адлюстраванне сюжэту Божага нараджэння ў кніжных гравюрах і іконах. 18.00–19.45 – адбудзецца лекцыя “Традиции Рождества” з удзелам пратаіерэя храма Опцінскіх Старцаў, выкладчыка БДПУ імя М.Танка Аляксандра Альбертавіча Шымбалёва (інфармацыйна-выставачны цэнтр, п. 110). У гэты ж вечар прапануем вашай увазе выставу рэлігійна-філасофскай літаратуры “…И не погаснет то, что раз в душе зажглось”. Для тых, каго цікавіць тэма духоўных пошукаў прапануем сузор’е мысліцеляў, прысвяціўшых свае працы праблемам касмічнага быцця і чалавека, як яго цэнтральнага звяна. Ад жанру каляднай аповесці заўсёды чакаюць асаблівых цудаў, якія маглі б адбыцца толькі напярэдадні вялікага свята. Усе самыя папулярныя і кранальныя гісторыі вы знойдзеце на нашай выставе “Рождественские чудеса в художественной литературе для детей любого возраста”. Добрыя справы можна будзе зрабіць у ходзе дабрачыннай акцыі “Падары кнігу, падары радасць!”, якая накіравана на дапамогу беларускім хоспісам. Калі ў вас ёсць добрая кніга для дзяцей ці дарослых (новая ці ў добрым стане), якую вы можаце ахвяраваць тым, хто мае ў ёй патрэбу, прыносьце, калі ласка! Выставы, а таксама і акцыя будуць дзейнічаць на працягу ўсяго святочнага перыяду, аж да старога Новага года. 27 снежня: 11.30–13.00 – для дарослых і дзяцей будзе працаваць “Святочная эка-майстэрня”. Вы даведаецеся, як зрабіць прыгожыя падарункі і калядны дэкор з падручных матэрыялаў (Экалагічны інфармацыйны цэнтр “Эка-Інфа”, п. 501). Далучайцеся! І няхай цуды ў вашым жыцці абавязкова здараюцца! Месца правядзення: г. Мінск, вул. Сурганава, 15 (ст.м. “Акадэмія навук”). Кантактная інфармацыя: (+37529) 616 50 71 Аліна Уладзіміраўна Шкутава Група укантакце / sobor.by/ (просмотров 2867) |
Новости разделов: