Мінская праваслаўная моладзь наведала школу-інтэрнат у Чэхаўшчыне

images/2015/Minskaya_pravaslaunaya_moladz_navedala_shkolu_internat.jpg

images/2015/Minskaya_pravaslaunaya_moladz_navedala_shkolu_internat_0427155008.jpg

27 АПРЕЛЯ 2015 (Понедельник) 14:18:53

Моладзевае брацтва імя свяшчэннамучаніка Уладзіміра Хіраска наведала са спектаклем "Пунцовая кветка" дапаможную школу-інтэрнат у Чэхаўшчыне. Да паездкі далучыліся і скаўты з мінскага Петра-Паўлаўскага сабора.

- Дзеці былі вельмі ўзрушаны нашым візітам і напрыканцы нават перадалі нам хэндмэйд падарунак – папяровых куранятак, - узгадвае кіраўнік брацтва Павел Вабішчэвіч.

Удзел у свяце прынялі 70 насельнікаў інтэрната ва ўзросце ад 8 да 19 гадоў. Брацтва наведвае іх рэгулярна ўжо на працягу дзесяцiгоддзя.

Пасля паказу спектакля "Пунцовая кветка" выхаванцаў інтэрната падзялілі на старэйшую і малодшую групы. Дарослыя ўзяліся за квэст-гульню: на імправізаваным палігоне на тэрыторыі інтэрната братчыкі Аляксей Фамін і Наталля Сафронава арганізаваілі ім эстафеты з палосамі перашкод, пасля чаго правялі майстар-клас па выкарыстанню вайсковага ўзбраення ў гульні страйкбол.

Тым часам малодшая група займалася са скаўтамі. У камандах дзеці праходзілі пікеты, на кожным з якіх іх чакаў іспыт. Пераможцы атрымалі падарункі - дыскі з блакнотамi.

Завяршыліся спаборніцтва салодкім сталом у інтэрнаце. Падмацаваўшыся, усе рушылі на святочную дыскатэку. Насельнікаў інтэрната госці навучылі вальсу, армянскім танцам, кадрылі і інш. Пад занавес выступіла трыа з ліку братчыкаў, якія пад гітару і баян спелі знаёмае з дзяцінства "Цудоўнае далёка". Як заўважыў відавочца, песню спявалі ўсе.

Перад развiтаннем выхаванцы інтэрната атрымалі прыемныя падарункі. "Дзякуй за дапамогу ў іх набыцці сацыяльнаму аддзелу Мінскай епархіі", - адзначыў Павел.

/ sobor.by/
(просмотров 3774)