| | 17 ФЕВРАЛЯ 2011 (Четверг) 22:14:28 2 сакавіка 2011 г. а 18 гадзіне ў доме Брацтва ў гонар Віленскіх мучанікаў “Кінанія” (Калодзішчы, вул. князя Астрожскага, 4) адбудзецца літаратурна-музычная вечарына “Сугучча сакральнага і нацыянальнага ў жыцці чалавека”. У праграме - вершы і версэты паэта Алеся Разанава ў выкананні актораў Белдзяржфілармоніі. Музычнае суправаджэнне – творы эпохі беларускага барока (фартэпіяна і цымбалы).
На сустрэчу запрошаны беларускія літаратары, мастакі, навукоўцы, прадстаўнікі творчай інтэлігенцыі, духавенства. Адной з асноўных мэтаў вечарыны з’яўляецца раскрыццё экзістэнцыйнай сутнасці чалавека ў прасторы літаратурнага і багаслоўскага вымярэння. Творчасць аднаго з самых вядомых сучасных паэтаў Алеся Разанава з’яўляецца добрай падставай для такіх рэфлексій.
У вечарыне возьмуць удзел людзі, якія актыўна і шчыра ўдзельнічалі ў беларускім адраджэнні 1980-90 гадоў; кожны з іх сцвердзіўся ў пэўнай сферы творчасці і дзейнасці, зрабіў пэўны ўклад у нацыянальна-культурны, навуковы і духоўны кантэкст сучаснай Беларусі. Таму шлях кожнага з іх – гэта своеасаблівае сведчанне адзінства сэнсу ў разнастайнасці формаў. Пра ўзаемаўздзеянне сутнасці зместу і формаў таксама пойдзе гаворка падчас сустрэчы.
/ sobor.by/
(просмотров 3752) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
