| | 20 МАЯ 2016 (Пятница) 11:08:27 Адным з знакавых мерапрыемстваў Года культуры ў Беларусі будзе чарговая экспедыцыя “Дарога да святыняў” з Благадатным агнём ад Гроба Гасподняга. 18 мая ў канферэнц-зале Сінадальнага аддзела рэлігійнай адукацыі і катэхізацыі адбыўся арганізацыйны сход пад кіраўніцтвам Прэасвяшчэннага Веніяміна, епіскапа Барысаўскага і Мар’інагорскага, старшыні аддзела.
Былі абмеркаваны пытанні па арганізацыі дваццаць трэцяй навукова-асветніцкай экспедыцыі “Дарога да Святыняў”. Плануецца, што экспедыцыя пройдзе з 31 жніўня па 4 верасня.
Традыцыйна ў мерапрыемствах удзельнічаюць вядомыя дзеячы навукі, культуры, прадстаўнікі Царквы. З іх удзелам у гарадах і вёсках праводзіцца шэраг мерапрыемстваў, якія абавязкова ўключаюць: малебны, навуковыя канферэнцыі, круглыя сталы, духоўна-асветніцкія сустрэчы. Традыцыйнымі сталі пасадкі Садоў малітвы ў населеных пунктах па маршруту “Дарогі да святыняў”.
Удзельнікі наведаюць беларускія святыні чатырох епархій. Плануецца, што ў 2016 годзе маршрут пачнецца як заўседы ў Мінску з далейшымі прыпынкамі ў в. Крысава (Дзяржынскі раён), Святое поле (в. Загор’е, Баранавіцкі раён), г. Баранавічы, г.п. Чырвоная Слабада (Салігорскі раён), г.п. Акцябрскі, г.п. Чырвоная Слабада, в. Парэчча, в. Граб’е (Акцябрскага раёна), г.п. Азарычы, г. Гомель, п.г.т. Парычы, г. Светлагорск, г. Жлобін. Па заканчэнні экспедыцыі адбудуцца святочныя мерапрыемствы прысвечаныя Дню беларускага пісьменства ў горадзе Рагачове.
Па выніках пасяджэння сфарміравана рабочая група па падрыхтоўцы 23-яй навукова-асветніцкай экспедыцыі "Дарога да Святыняў".
Нязменным кіраўніком навукова-асветніцкай экспедыцыі з’яўляецца Ніна Сымонаўна Загорская, заслужаны работнік культуры Рэспублікі Беларусь, лаўрэат прэміі прэзідэнта “За духоўнае адраджэнне.”/ sobor.by/ oroik.by
(просмотров 2083) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
