Белорусский экзархат Московского патриархата
VSR.SOBOR.by Приход храма иконы Божией Матери
"Всех скорбящих Радость", Минск
Па шляху 30-й духоўна-асветніцкай экспедыцыi “Дарога да святыняў”.Новалукомль-Чашнікі
Нас сустракае Віцебшчына. Экспедыцыю чакалі непадалеку ад мемарыяла “Вішанькі”.
У Чашніцкім раёне, у гады вайны, цалкам ці часткова знішчана каля 200 весак. Многія - разам з жыхарамі. Мемарыяльны комплекс “Вішанькі” - сімвал усіх спаленых сестраў Хатыні. Іх назвы выбіты на яго каменных плітах. Галоўная скульптурная кампазіцыя - беласнежныя, як анелы, постаці старога, жанчыны і дзіцяці. Такімі слабымі і безабароннымі былі тады ахвяры нацыстцкіх карнікаў. 9 сакавіка 1944 года яны спалілі 114 жыхароў вескі Вішанькі і выратаваліся толькі адзінкі.
Едзем далей, у горад беларускіх энергетыкаў Новалукомль.
І зноў жалобныя падзеі гісторыі. Мітынг ля воінскага мемарыяла.
Ад гэтага памятнага месца пачынаецца хрэсны ход па вуліцах Новалукомля.
Гэты дастаткова малады ў Беларусі горад быў заснаваны ля Лукомскага возера ў 1964 годзе ў сувязі з будаўніцтвам буйной цеплавой элекстрастанцыі. Спачатку паселак “Піянерны”, а праз год, у ліпені 1970-га, ен набыў статус горада. У 2006 годзе Новалукомль атрымаў герб, на якім тры залатыя слупы і дыск турбіны. Ен сімвалізуе яго асноўныя прамысловыя напрамкі.
З хрэсным ходам падыходзім да храма ў гонар святога Мікалая. Яго ўзвяля замест страчанай у полымі святыні. Гэта часовы будынак. Настаяцель, айцец Аляксей Шаура, марыць пабудаваць царкву ў гонар першага свяшчэннамучаніка 20 стагоддзя мітрапаліта Кіеўскага і Галіцкага Уладзіміра (Богаяўленскага).
Са словам у адказ захавальнік Лампады са Святым Іерусалімскім Агнем святар Кірыл Гардун.
Са свечкамі, апаленым Святым Агнем, ідзем на сустрэчу ў Новалукомльскую гарадскую бібліятэку.
Яе пачынае дзіцячы пісьменнік Дзмітрый Нікалаеў.
Выпускніца тэалагічнага факультэта Беларускага дзяржаўнага ўніверсітэта, маладая паэтка, лаўрэат нацыянальнай прэміі “Дэбют” Кацярына Стройлава- стала пастаяннай удзельніцай экспедыцыйных вандровак.
Напэўна, такая благадатная аўра бывае ў месцах, багатых на духоўныя скарбы і прыцягвае людей. Па ўсім адчувалася: жыхары маладога горада энергетыкаў прыходзяць сюды, каб правесці час з карысцю для душы. Тут працуюць тры аб'яднанні: літаратурная гасціная, аматарская групоўка паэтаў “Млын” і клуб духоўнай асветы “Благавест”.
Збор духоўнай літаратуры пачала супрацоўніца бібліятэкі Наталля Арцёмаўна Васькіна. А калі сгарэла царква, кнігі з яе кіеска папрасіў прытуліць айцец Аляксей Шаўра.
Паслухаем расказ бібліятэкарак Ірыны Мікалаеўны Іўко і Наталлі Валянцінаўны Аўгусціновіч.
Размову пра духоўныя традыцыі і гісторыю месца працягвае святар Аляксей Шаўра.
Праз некалькі хвілін экспедыцыйны аўтобус у суседніх Чашніках, якія ўпершыню ўзгадваюцца ў 16 стагоддзі.
Мясцовае паданне звязвае назву з “чашным” ганчарным промыслам. У мінулым “падчашым” называлі прыдворнага, які падаваў вялікаму князю посуд з віном. Магчыма, такі чалавек атрымаў некалі ва ўласнасць тутэйшую зямлю, адкуль пайшла па яго падданых назва Чашнікі.
І зноў хрэсны ход па вуліцах да мемарыяла. У брацкім пахаванні салдаты Грамадзянскай вайны, партызаны, якія загінулі ў 1943 годзе і воіны, што вызвалялі горад у чэрвені 1944-га.
Знамянальна, што за помнікам - старадаўняя чашніцкая царква Праабражэння Гасподняга. Святыня малітвы і святыня памяці. Царква з любоўю шануецца прыхаджанамі, тут шмат памятных часцінак з Гары Афон, вострава Корфу, Святой Зямлі і цудадзейная ікона Божай Маці. Як лічыць айцец Уладзімір Каляда, яна ратавала храм у гады вайны.
Ля кожнага святога месца экспедыцыя закладае Сад Малітвы. Не парушылі традыцыі і ў Чашніках, а пасля - духоўна-асветніцкая сустрэча. Упершыню ў экспедыцыі прымаў удзел Аляксей Сяргеевіч Хацееў - супрацоўнік Інстытута гісторыі Нацыянальнай Акадэміі навук.
Раніцай 1 верасня місіянеры сталі ганаровымі гасцямі чашніцкіх школ.
Навучэнцаў Першай чашніцкай гімназіі вітае духаўнік экспедыцыі святар Аляксандр Пачопка.
З намі развітваюцца гасцінныя гаспадары.
Дарога да святыняў кліча далей, у Дуброўна.
Эфір праграммы "Святло душы”: 20.04 у 7.30 на Першым нацыянальным канале Беларускага радые.
Паўтор 21.04 у 17.30 і 25.04 в 15.30 на канале "Культура".
/ sobor.by/
(просмотров 2969)
Новости разделов:
|
|||||
|
© www.sobor.by 2004 - 2025. |
|||||