Праграма «Святло душы» запрашае ў дарогу з удзельнікамі 28-й навукова-асветніцкай экспедыцыі «Дарога да святынь»

 
  
7 АПРЕЛЯ 2022 (Четверг) 20:57:48
Ганцавічы-Люсіна - праграма "Святло душы" запрашае ў дарогу з удзельнікамі 28-й навукова-асветніцкай экспедыцыі "Дарога да святынь".

Увечары першага дня завіталі ў Ганцавічы на сустрэчу з актывістамі духоўна - асветніцкай работы раёна. Яе адкрыў старшыня Ганцавіцкага райвыканкама Уладзімір Уладзіміравіч Бялоў.

Аднойчы экспедыцыю са Святым агнем сустракалі ў Ганцавічах, тое спатканне ўзгадаў яе кіраўнік Аляксандр Лапата-Загорскі.

З вопытам духоўна-асветніцкай работы дзялілiся бібліятэкары, настаўнікі раёна. Аб выхаваўчай працы нядзельнай школы ганцавіцкага Свята-Ціханаўскага храма расказала Марыя Аляксандраўна Корсак, памочнік благачыннага Ганцавіцкага раена.

У гады Вялікай Айчыннай вайны, у весцы Хатынічы, здарылася гісторыя, якую распавяла Любоў Рыгораўна Валуевіч, настаўнік беларускай мовы і літаратуры тутэйшай школы.

Памяць пра гады ваеннага ліхалецця старэйшыя жыхары Хатынічаў перадалі нашчадкам. Школьнікі займаюцца вывучэннем гісторыі вескі, іх работы займаюць прызавыя месцы на рэспубліканскіх конкурсах. Тое ж самае можна казаць пра навучэнцаў Дзяніскавіцкай школы. Пра яе музей расказвае настаўнік гісторыі Таццяна Іванаўна Дзенісеня.

Раніцай наступнага дня ўдзельнікі экспедыцыі падзялілiся на групы і раз”ехаліся на ўрокі пісьменства па школах горада. З фотамастаком і паэтам Яўгенам Пясецкім мы ў Ганцавіцкай школе мастацтваў. Расказваем пра экспедыцыю, яе місію, дзелімся сакрэтамі сваей прафесіі.

Сярод слухачоў дырэктар Ганцавіцкай школы мастацтваў Вольга Мікалаеўна Купрыянік і намеснік дырэктара па выхаваўчай рабоце Алег Іванавіч Вацэвіч. Нам, у сваю чаргу, цікава даведацца пра будні школы...

Некаторыя педагогі школы мастацтваў прыхаджане і пеўчыя ганцавіцкай Свята-Ціханаўскай царквы.

Экспедыцыю сустракаюць у Люсіне.

"Мае дарагія сябры-прыяцелі, мае былыя вучні і суседзі-люсінцы! Радасна было мне артымаць ад вас пісьмо. Ваша Люсінская школа была маім першым настаўніцкі месцам, з якога пачалася мая дарога ў жыццё. Радасна таксама і тое, што мы сення, аддаленыя такім доўгім часам, можам проста і ясна паглядзець адзін аднаму ў вочы, бо нічога непрыемнага, прыкрага не было паміж намі. Я вас любіў чыстым юнацкім сэрцам, дапамагаючы вам знасці лепшую дарогу ў жыцці.

Я зраблю ўсё, што ад мне залежыць, каб на месцы старой драўлянай школы, каля якой стаяў велічэзны крыж, была пабудавана новая прасторная і светлая школа з цэглы. Мне вельмі хацелася пабываць у вас. Калі дазволіць жыццё і здароўе, я прыеду. Ваш Якуб Колас - Кастусь Міцкевіч...".

Люсіна - месца першай працы выпускніка Несвіжскай настаўніцкай семінарыі - будучага народнага паэта Беларусі Якуба Коласа. Канешне, старой школы даўно няма, замест яе сапраўды прасторны, светлы будынак, у якім да 100-годдзя Песняра быў адчынены яго музей. Вучні Мілана Агалец і Марыя Хоміч расказваюць пра жыцце і творчасць паэта, гады яго працы ў Люсіна. Настаўніца Наталля Антакала, дырэктар музея, запрашае паслухаць сцэнку з аповесці "У палесскай глушы" ў выкананні Івана і Кацярыны Навумікаў. Дзеянне адбываецца ў інтэр”еры сялянскай хаты, частцы школьнага музея народнага побыту.

У музейным пакоі ўглядаемся ў фотаздымкі старых месцічаў-вучняў Якуба Коласа. Прыемна, што маладому пакаленню люсінцаў прывіваюць любоў да сваей гісторыі.

Далейшы шлях экспедыцыі на Лунінеччыну.

Слухайце праграму "Святло душы" 9 красавіка ў 7.30 на Першым нацыянальным канале Беларускага радыё. Паўтор у нядзелю 10 красавіка ў 17.30 на канале "Культура".

/sobor.by/

/ПЕРВЫЙ НАЦИОНАЛЬНЫЙ КАНАЛ БЕЛОРУССКОГО РАДИО/


(просмотров 2551)





Новости разделов:

СМИ о Церкви

7 ФЕВРАЛЯ 2025
Субботний выпуск программы «Свет души» посвящен великомученице Анастасии Узорешительнице
15 ДЕКАБРЯ 2024
О 500-летней истории храма Рождества Пресвятой Богородицы в д. Мурованка расскажет программа "Свет души"
8 ДЕКАБРЯ 2024
Программа «Свет души» расскажет о монастыре святой великомученицы Екатерины на Синае
29 НОЯБРЯ 2024
Святыни Вилейщины - в программе "Свет души"
26 НОЯБРЯ 2024
Программа «Свет души» расскажет о праздновании Покрова Пресвятой Богородицы и Дня Матери в Солигорске
20 НОЯБРЯ 2024
Столичный храм Воскресения Христова отметит 30-летие
29 ОКТЯБРЯ 2024
Гостем программы "Свет души" стал руководитель братства в честь Виленских мучеников Константин Антонович
23 ОКТЯБРЯ 2024
Программа "Духовное слово" о выставке "Иконы Ветки. Спас Нерукотворный"
23 ОКТЯБРЯ 2024
Выпуск праграмы "Святло душы" пра святыні Вілейшчыны: Свята-Троіцкі храм у Даўгінаве
3 ОКТЯБРЯ 2024
О выставке «Символы, атрибуты и аллегории в искусстве Беларуси XVII–XIX веков» расскажет программ «Свет души»
26 СЕНТЯБРЯ 2024
До 13 октября в Художественном музее работает выставка «Символы, атрибуты и аллегории в искусстве Беларуси XVII–XIX вв.»
23 СЕНТЯБРЯ 2024
Программа «Свет души» расскажет о святынях Вилейщины: храмах Рождества Пресвятой Богородицы в Куренце и Петра и Павла в Косуте
Новости (аудио)
Архив аудионовостей :

Rambler's Top100 Рейтинг@Mail.ru


© www.sobor.by 2004-2016.