Белорусский экзархат Московского патриархата
VSR.SOBOR.by Приход храма иконы Божией Матери
"Всех скорбящих Радость", Минск
Пра сацыяльнае служэнне праваслаўнай моладзі Беларусі раскажа праграма “Святло душы”
Галоўныя мерапрыемствы адбыліся на пляцоўцы Беларускага дзяржаўнага медыцынскага ўніверсітэта, і гэта невыпадкава: у студэнцкім гарадку дзейнічае капліца ў гонар іконы Божай Маці “Скарапаслушніца” і працуе духоўна -асветніцкі цэнтр імя вялікай княгіні Елісаветы.
Перад пачаткам злёту можна было пазнаёміцца з дзейнасцю маладзёжных суполак. Некаторыя падрыхтавалі стэнды з фотаздымкамі, якія адлюстроўвалі сацыяльнае служэнне моладзі. Напрыклад, пінскае брацтва наведвае Дом дзіцяці, дапамагае ў хрышчэнні дзетак, выпускае місіянерскія лісткі, разам святкуе масленіцу, каляды.
Праваслаўная моладзь Гомеля супрацоўнічае з тэрытарыяльным Цэнтрам сацыяльнай дапамогі, наведвае састарэлых людзей, інвалідаў, шматдзетныя сем'і, праводзіць дабрачынныя кірмашы.
Часткай сустрэчы сталі презентацыі маладзёжных праграм. Напрыклад, моладзь мінскага прыхода ў гонар іконы Божай Маці “Усецарыца” ўдельнічае ў дабрачыннай акцыі “ Шлях міласэрнасці” і апякае дзіцячыя хоспісы Беларусі.
Архімандрыт Сава Мажука - насельнік гомельскага Мікалаеўскага манастыра, заўжды сярод моладзі. Ён вядзе блог ў інтэрнеце, праводзіць гутаркі са студэнтамі Гомельскага ўніверсітэта. На злёце праваслаўнай моладзі, пасля гутаркі, айцец Сава адказваў на пытанні. Некаторых цікавіла, як з карысцю правесці Вялікі пост?
У гэтыя дні ў Мінску праходзіць міжнародны пасхальны фестываль “Радасць”. Актыўнай стваральніцай яго праграм сталі Вольга Мілашэўская і Міхаіл Мішуроў, якія працуюць ў мінскім Свята- Елісавецінскім манастыры. Што прывяло іх туды і чым зацікавіла сацыяльнае служэнне?
Слухайце праграму “Святло душы” 24 сакавіка ў 7.30 і 20.20 на Першым нацыянальным канале Беларускага радыё. Паўтор у той жа дзень ў 8.30 на канале “Культура”./ sobor.by/ Фото tihvinskiy.ru
(просмотров 3132)
Новости разделов:
|
|||||
|
© www.sobor.by 2004 - 2025. |
|||||