| | 22 МАЯ 2019 (Среда) 12:40:29 У археалагічнай экспедыцыі, якая праводзіцца пры Свята-Елісееўскім Лаўрышаўскім мужчынскім манастыры ў Навагрудскім раёне, штогод арганізуецца валанцёрская група моладзі і падлеткаў. У 2019 г. група будзе дзейнічаць з 13 па 28 ліпеня. Запрашаюцца добраахвотнікі з ліку моладзі, студэнтаў і навучэнцаў, якім цікава правесці 15 дзён у добрай сяброўскай кампаніі, паспрабаваць сябе ва ўмовах экспедыцыйнага жыцця і займацца карыснай працай.
"Эта обитель - кусочек Рая на земле". В Cвято-Елисеевском Лавришевском мужском монастыре освящён новый храм >>>
Асабліва вітаюцца заяўкі ад моладзі, якая ўдзельнічае ў брацтвах і іншых праваслаўных аб’яднаннях, і ад падлеткаў (ва ўзросце ад 15 год), якія наведвалі нядзельныя школы пры царкоўных прыходах. Мэта – далучэнне моладзі і падлеткаў да практычнай дзейнасці па даследаванню і захаванню гісторыка-культурнай спадчыны. Валанцёры працуюць па 4 – 6 гадзін у дзень; у вольны час праводзяцца лекцыі, літаратурныя сустрэчы і экскурсіі. З удзельнікамі школьнага ўзросту працуюць дасведчаныя педагогі. Грашовыя ўзносы для ўдзелу ў экспедыцыі не патрэбны.
Археалагічныя даследаванні вядуцца з 2011 г. па ініцыятыве Лаўрышаўскага манастыра (заснаваны ў XIII стагоддзі), з благаславення архіепіскапа Навагрудскага і Слонімскага Гурыя.
Даведкі і запіс па тэл. "Velcom" (29) 647 74 30, альбо па эл. адрасе: ekspiedycyja.lauryshava@gmail.com
На здымках: 1 – старадаўнія каменныя крыжы, якія выяўлены ў ходзе экспедыцыі 2018 г.; 2 – ля помніка прп. Елісею Лаўрышаўскаму ў в. Лаўрышава; 3 – ў час паездкі ў Свята-Успенскі Жыровіцкі мужчынскі манастыр.
eparhiya.by / sobor.by/ (просмотров 2047) |