| | 1 ИЮЛЯ 2016 (Пятница) 13:43:52 Пленэр прысвечаны 900-годдзю памяці свяціцеля Міны, епіскапа Полацкага, і адбудзецца па благаславенні епіскапа Маладзечанскага і Стаўбцоўскага Паўла ў гарадскім пасёлку Івянец Валожынскага раёна Мінскай вобласці ў рамках Праграмы супрацоўніцтва на 2016 год Беларускай Праваслаўнай Царквы і Міністэрства культуры Рэспублікі Беларусь.
Арганізатары пленэра: Маладзечанская епархія Беларускай Праваслаўнай Царквы, Саюз мастакоў Беларусі, Брацтва ў гонар Віленскіх мучанікаў у г. Мінску, прыход храма ў гонар прападобнай Еўфрасінні Полацкай у г.п. Івянец.
Творчыя кіраўнікі праекта: Ігар Гардзіёнак, загадчык кафедры малюнка, жывапісу і скульптуры Беларускай акадэміі мастацтваў, Глеб Отчык, намеснік старшыні секцыі манументальна-дэкаратыўнага жывапісу Саюза мастакоў Беларусі, старшы выкладчык Беларускай акадэміі мастацтваў.
Праект будзе ажыццяўляцца пад духоўнай апекай протаіерэя Віктара Перагудава, настаяцеля храма ў гонар прападобнай Еўфрасінні Полацкай у Івянцы.
У пленэры прымуць удзел прафесійныя мастакі з Беларусі, Расіі і Украіны. У прыватнасці, гасцямі мерапрыемства стануць Кацярына Рудакова з Кіева і Анастасія Полазава з Санкт-Пецярбурга.
Адкрыццё вернісажу запланавана на 8 ліпеня 2016 года ў Івянецкім доме культуры (вулiца Пiянерская 3). Пачатак у 17-00.
Мяркуецца, што карціны, створаныя ў час пленэру, пакладуць пачатак карціннай галерэі ў Івянцы. Згодна з планамі арганізатараў яна стане цэнтрам эстэтычнага выхавання і духоўнага развіцця моладзі, паспрыяе фарміраванню гістарычнай свядомасці жыхароў рэгіёна. Дзейнасць цэнтра разлічана на ўзаемадзеянне і ўзаемаабагачэнне ўсіх зацікаўленых, на супрацоўніцтва дзяржаўных, грамадскіх і рэлігійных арганізацый.
Кантактныя тэлефоны:
Айцец Віктар Перагудаў +375-29-675-36-74
Глеб Отчык +375-29-630-12-89
Фото с сайта artschool.su / sobor.by/
(просмотров 1914) |
ГЛАВНАЯ
ФОТО
ВИДЕО
АУДИО
НОВОСТИ
ФОРУМ
