ГЛАВНАЯ
ФОТО
ВИДЕО
АУДИО
НОВОСТИ
ФОРУМШкола практычнай генеалогіі пры прыходзе Мікалая Японскага распачала выставу, прымеркаваную да 200-годдзя Іосіфа Гашкевіча
| 21 МАРТА 2014 (Пятница) 15:02:13
Выстава дакументаў Нацыянальнага гістарычнага архіва Беларусі ў Мінску, прымеркаваная да 200-годдзя Іосіфа Антонавіча Гашкевіча (1814–1872) - дыпламата, усходазнаўцы, першага расійскага консула ў Японіі, паплечніка свяціцеля Мікалая Японскага па дыпламатычнай і місіянерскай дзейнасці ў Хакадатэ ў 1860–1865 гг., - праходзiць у гэтыя днi ў прыходзе Свяціцеля Мікалая Японскага.У адкрыцці выставы, якое адбылося 16 сакавіка, прынялі ўдзел гісторык і генеалог Д.М. Дрозд, які прэзентаваў свае выданні “Землеўладальнікі Мінскай губерні 1861 – 1900” і “Землеўладальнікі Мінскай губерніі 1900 – 1917”, і кіраўнік існуючай пры храме Школы Практычнай генеалогіі В.В. Урублеўскі. Навукоўца выступіў з паведамленнем “Крыніцы па сялянскай генеалогіі Беларусі канца 18 ст. – пачатку 20 ст.”. Як паведаміў Вадзім Урублеўскі, выстава архіўных дакументаў будзе адкрыта грамадскаму агляду тры тыдні – да свята Дабравешчання (7 красавіка). Закрыццё выставы запланавана на 6 красавіка. Плануецца, што ў ім возьме ўдзел намеснік дырэктара НГАБ Д. В. Лісейчыкаў, які распавядзе аб архіўных крыніцах па генеалогіі хрысціянскага духавенства. Школа практычная генеалогіі пры прыходзе Мікалая Японскага пачала сваю работу мінулай восенню. Заняткі праводзяцца два разы на месяц у нядзельныя дні пасля Літургіі. Такі расклад вельмі зручны для слухачоў, якія жывуць не ў Мінску. На занятках даюцца неабходныя тэарэтычныя звесткі, выкладчыкі дзеляцца асабістым вопытам складання радавода, дэманструюць гістарычныя дакументы, арганізуюць знаёмства са знакамітамі генеолагамі, даюць кансультацыі і арыентыры для плённага даследвання свайго роду. Заняткі праводзяцца ў прыходзе Мікалая Японскага по адрасе: г. Мінск, вул. Лідская, 12. Тры прыпынкі у бок Ждановіцкага рынку ад ст. м. “Каменная Горка” (прыпынак “Дамброўка”, аўтобусы № 125, 140). Больш падрабязная інфармацыя на сайце прыхода www.n-do.by. Даведка: Іосіф Гашкевіч — сын спачатку уніяцкага, а потым праваслаўнага святара з Рэчыцкага павета Мінскай губерні Антонія Гашкевіча, які служыў у царкве в. Перасвятое. Дзяцінства правёў у Якімавай слабадзе Рэчыцкага павета Мінскай губерні. Ва ўзросце 20 гадоў Іосіф паступіў у Мінскую духоўную семінарыю. Пасля заканчэння вучобы ў Мінску па рэкамендацыі І. Грыгаровіча працягваў вучобу ў Санкт-Пецярбургскай духоўнай акадэміі. Пасля заканчэння акадэміі (1839) меў званне магістра багаслоўя, але не прыняў святарскага сану. У 1839-49 гадах у складзе Рускай духоўнай місіі ў Пекіне. Даследаваў культуру Кітая, вывучаў кітайскую, карэйскую і японскую мовы. Адначасова займаўся пытаннямі астраноміі і метэаралогіі, сабраў калекцыю насякомых. У якасці драгамана (перакладчыка) суправаджаў на фрэгаце «Палада» дыпламатычную місію Я. В. Пуцяціна ў Японію (1852-55). 3 яго ўдзелам заключаны руска-японскі дагавор 1855. Па дарозе з Японіі захоплены ў палон англічанамі (з прычыны Крымскай вайны 1853-56), знаходзіўся ў Ганконгу, потым у Англіі. На працягу дзевяці месяцаў у палоне Іосіф Гашкевіч сумесна з японскім манахам Тацібана Каосай склаў 450 старонак першага японска-рускага слоўніка. У 1856 годзе вярнуўся ў Расію. У 1858-1865 гадах першы расійскі консул у Японіі (на Хакадатэ), адначасова выкладаў у Хакадацкай рускамоўнай школе. Адзін з першых іншаземцаў, якому дазволілі наведаць унутраную Японію, у т.л. двор сёгуна (правіцеля Японіі) у Эда (цяпер Токіа). У 1865 годзе вярнуўся на радзіму. У 1867 годзе выйшаў у адстаўку і жыў у маёнтку Малі (цяпер Астравецкі раён), дзе працягваў займацца ўсходняй філалогіяй. Шматлікія калекцыі флоры і фаўны Паўднёвай Афрыкі і Паўднёва-Усходняй Азіі, сабраныя ў час падарожжаў, Іосіф Гашкевіч перадаў Заалагічнаму музею АН у Пецярбургу. Выдадзены ім першы ў Расіі «Японска-рускі слоўнік» (1857, разам з Тацібана Каосай) адзначаны медалём Пецярбургскай АН і Дзямідаўскай прэміяй. Яго імем названы апісаныя ім невядомыя раней віды насякомых, заліў у Паўночнай Карэі (па-карэйску Чосанман). Аўтар працы «Карані японскай мовы» (Вільня, 1899). У Хакадатэ і Аўстраўцы яму пастаўлены помнікі. (просмотров 4578) |
Новости разделов:
|
|||||
|
© www.sobor.by 2004-2016. |
|||||