ГЛАВНАЯ
ФОТО
ВИДЕО
АУДИО
НОВОСТИ
РАСПИСАНИЕ14 - 25 лютага ў Нацыянальным мастацкiм музеi адбудзiцца выстава абраза, прымеркаваная да свята Стрэчання Гасподня
| 12 ФЕВРАЛЯ 2025 (Среда) 12:19:20 14 лютага ў пастаяннай экспазіцыі старажытнабеларускага мастацтва Нацыянальнага мастацкага музея Рэспублікі Беларусь адкрываецца выстава абраза “Стрэчанне” (сярэдзіны XVIII ст.) з калекцыі Нацыянальнага мастацкага музея Рэспублікі Беларусь, прымеркаваная да свята Стрэчання Гасподняга.15 лютага праваслаўныя хрысціяне адзначаюць адно з 12 галоўных (двунадзесятых) свят – Стрэчанне Гасподняе. Іканаграфія гэтага сюжэта заснавана на евангельскім апавяданні (Лк. 2, 22–38), у якім расказваецца, што на саракавы дзень па Нараджэнні Хрыстовым, Марыя і Іосіф, прытрымліваючыся старазапаветнага закону, прынеслі Дзіцятка Хрыста ў храм, каб прысвяціць Яго Богу. Прадстаўлены абраз з Нацыянальнага мастацкага музея Рэспублікі Беларусь дэманструе шэсце Маці Божай і Іосіфа да Сімяона Богапрыімца, які схіліўся ў чаканні Месіі ля прастола Іерусалімскага храма. Прадстаўлены момант, калі Марыя перадае, а Сімяон прымае ў свае рукі Дзіцятка. Падобны вобраз больш адпавядае евангельскаму тэксту і бачна перадае сутнасць свята Стрэчання як сустрэчы Старога і Новага Запаветаў. Ëн служыць ілюстрацыяй наступных слоў: “ён узяў Яго на рукі, дабраславіў Бога і сказаў: Цяпер адпускаеш раба твайго, Уладыка, па слове Твайму, з мірам; бо бачылі вочы мае выратаванне Твае, якое Ты прыгатаваў перад абліччам усіх народаў, святло да асветы язычнікаў, і славу народа Твайго Ізраіля” (Лк. 2, 28–32). Сустрэча Сімяона і Дзіцятка Хрыста сімвалізуе сустрэчу чалавецтва з Богам. Не пакрытыя гіматыем рукі Сімяона Багапрыімца і адсутнасць вобраза прарочыцы Ганны з’яўляюцца іканаграфічнай асаблівасцю дадзенага помніка. Выстава будзе працаваць да 21 лютага. Адрас: Мінск, вул. Леніна, 20. / sobor.by/ artmuseum.by (просмотров 396) |
Новости разделов:
|
|||||
|
© www.sobor.by 2004-2016. |
|||||